فـــــــــي شهر
فـــــــــــــــــــــــي سنة
بس دا مكانش زي اي يوم .. دا كان يوم شديد ..
بدايته مقالتش ان النهاية هتبقى كدا .. ايييييييييييييييه دنيا
شاب قاعد في بيته .. يعنى مغلطش يا جماعة
كدا ولا يطلع يشتغل في البانجو والحشيش
ولا ممكن ميلاقيش فلوس كمان و تبقى مصيبته سودا
ويتاجر في السجاير الفرط وشوية شوية يشم كوله زي اطفال الشوارع
الحقيقة يعنى عداه العيب انه قاعد في بيته وكل حاجة تمام
و الكوندشن أندر كونترول
فتح شباك اوضته ومعاها بلكونته...اوضته زي بنته
.. حقه .. مهو شاب مصري .. فرعونى
و بعدين الجو حر أصلا والعملية خنقة .. مهو لازم حل
- طيب مالها المروحة يا عم الكتكوت؟
- بتنيمنى يا سيدي وبتلف وصوتها مزعج
- طيب متشغل التكييف يا كبير؟
- يا عم تكييف اية دا بيجيب اللوز و بعدين انا معنديش لوز
- افتح الوندوز يا معلم يعنى شباك البيت يعنى ..
لحد دلوقتي الامن مستتب
والعمليه 100فل وعشره .. ده حتي مفيش ولاحشره
يارب ديمها نعمه علي كده........
شويه شويه بدا الزهق يتسرب الي صدره ...
باين المنظم كان مهوي ...
قال ادخل علي النت(الله يخرب بيت النت اللي فتح عين الواد والبت)
ويريته ما دخل ع النت ....
يلا بقا نخش ع النت ..
بردوا مفيش جديد .. يييييييييه الحياة بقا لونها أصفر كدا ليه فين ايام البمبي ؟
لما أفتح الماسنجر وأدخل انفزيبل
يييييييييييه .. نفس البنى آدميين .. يادي الخنقة
مودي مودك اون لاين
و كاتب استاتس ( انا واكل فسيخ .. احترس )
- يووووووووه مش طالبة معايا فسيخ خالص دلوقتى
دكتر علام الخنقة بعينها ..
الواد دا خنقته أكتر من طوله الصراحة(عدمه احسن من وجوده)
مين دا كمان: دوك البدري
اهو دا بيزيط في الزيطة .. ربنا يستر عليه..
ودايما حاططلي صوره الواد بتاع بريزون بريك في البروفيل بتاعه
(مهو في شبه كبير بينهم..تقريبا راضعين علي بعض)
جينا بقا لمنطقة النادي بالدلجمون
و مين اللي فاتح .. قال اية طارق مرعي
طارق اية دا يا جدعان اللي يقعد ع النت
دا مالوش فيها أساسا .. الواد دا امتة يفصل نت ويريحنا .. اوووووف
هو انا اسيبهم في الكلية يطلعولي في الكمبيوتر
أنا لازم أشوف حل .. ويكون حل حاسم
و أثناء التفكير العميق...
والتامل الدقيق( بلاش ده الدقيق غلي ) نخليها الشديد
سمع صوت غير الصوت .. كانت صرخة
صرخة مدوية .. زي صرخة الكنيف (محدش يسأل يعنى اية )
قام الراجل واتفزع .. بصة يمين علي بصة شمال
و في الوقت المناسب رد الفعل كان حاسم و مفاجىء
جاب ايد المقشه ( الاوتوماتيك طبعا ) .. وقال لما اهوش الخفاش
قعد يشاور للخفاش .. والخفاش ولا هوا هنا
- اية النظام .. هو الخفاش دا مبيشوفش ولا اية
- يا ليلة رعب
- يا نهار ازرق .. أعمل اية انا دووقتى
اما اكلم الجماعة ع النت .. ومن خلال الماسنجر حصل علي بعض المعلومات
معلوماتك اية يا مودي عن الخفاش
-مودي : الخفاش دا أعمى و مبيشوفش بالليل .. معلومة كويسة
وان كفاءة في استخدام الصونار في الحركة بتاعته
- d&T : اشطة باللبن
وانت يا عم علام تعرف اية بخنقتك دي
(الهي خفاش ينقرك في رجلك يقصرك شويه)
- علاموكش : خلي بالك يا معلم فيه كوشن ( تحذير يعنى )
الخفاش لو لبس في وش الواحد مش هيسيبه الا بالطبل البلدي
- D&T : آآآآآآآآه يا ليلة طين .. طيب واية العمل دلوقتى
انا 6 طب دلوقتى ومش طالبة معايا وشي يتشرح في الاخر
دا أنا علي وش جواز
لحظات من الصمت و الهدوء..
و كان الهدوء هذا .. نواة لنوة شديدة ( يا سلاااااااااام ع التعبير الكووووول )
و بعد فشل سلاح المقشة الاوتوماتيك جاء دور السلاح المعدل RBJ 6600
اللي هو بالعربي ( المقشة البلح ) وطبعا البلح أحمر
و انهالت عاصفة من الضربات علي الخفاش
لحظات من الاكشن .. صعب علينا تخيلها او وصفه
ا
هي لحظات سجلها التاريخ بأحرف من دم .. دم الخفاش طبعا
بس كلام الناس كتير بردو واتهموا مصر انها بلد الخفافيش...
هو عشان خفاش أعمى دخل بيت مواطن
( *******) دي اشاعات مغرضة وانا عارف مين اللي بيسوقها .. ونهايتهم هتكون في عهدي
مش هاكمل الحكاية بالكلام
عشان المدصاقية والشفافية .. هنكمل بالصور
فارد جناحاتك كدا ليه وحياة مامتك
..... دا أنا هأوريك ليلة سودا ان شاء الله
صورة الفقيد بعد استخدام النووي .... ايييييييييييه دنيا
و أدي جزاة اللي ميسمعش كلمة ماما تقولها .. ويك ويك
وبعد انتهاء هذه المجزره الداميه..
والتخلص من جثه هذا الخفاش ..
ندعي ان القتيل يكون ذكر..
اوانثي بتتعاطي حبوب منع الحلو..
اومركبه لولو ...
عشان ميطلعلهاش عيال يحاولو ياخدو بتارها...
توته توته ...خلصت الحدوته...حلوه ولاشديده؟
هناك 25 تعليقًا:
شديدة يا دى فى تى شديدة
هههههههههه
انت تخلص من الفيران يدخلك الخفافيش
والله ماهم سايبينك
بس حلو سلاح اللى مش عارفه رقمه
بس اعرف شكله واستخدامه
قال بيبدا بالتوموتيكى
مش مع الخفافييييييش ولا الفيران
هههههههههههههه
طوييييلة اوىىىىىىى
بس خنقة برده :))
بهزر طبعا
وبعدين تسيب الخفاش ازاى ولسه تقعد تسال .. شكلك كنت بايع وشك من اولها
ههههههههههههههههههههه
نسيت اقول
الموضوع محتاج مصداقية
والصورة مبتكدبش
ازاى مقشة بلح فى اودة عالجُنينة الجامدة دى
ليه قاعد فى جرين لاند
ههههههههههه
تصدق وتآمن بالله ، قول لا إله إلا الله
طبعاً حأرد عليك بسيدنا محمد رسول الله
إنت تعرف أنا بكلمك منين دلوقتي ؟؟ أكيد من البيت ياعبيط ، بس مين بقى معايا .. معايا كبار المنطقة كلها .. يعني مودي مودك اللي هد المنطقة وبناها أربع مرات علشان الديكور مش عاجبه .. يعني شيتوس بالجبنة اللي حنقاطعه لإنه منتجات هولندية
أولاً الموضوع كله أخطاء وفظيعة كمان .. مودي كان واكل كوارع مش فسيخ .. يعني الضخ مش من فوق ، الضخ كله من تحت وتم توزيع أقنعة غاز على العوض كلها
وأنا ياأخنق ربنا ماخلق كنت في حالي كالعادة مع البني آدمات ، ومنفضلك مع إني شايفك فاتح .. وإنت شايفني خنيق ليه ؟؟ بلاش الحقد يملى قلبك بقى
والبدري شبه بتاع بريزون بريك لإنهم فعلاً راضعين من جاموسة واحدة بروحين
الحاجة الوحيدة ذات المصداقية إن طارق مالوش في النت ، دا قعد على ياسمينا وكانت تاني مرة وعملنا فيها أدمن القعدة ، وقال إيه من بعد إيميل طارق مرعي عمل إيميل روني طاطا .. الله يرحم ياطارق .. من بعد الشبشب والقبقاب
وللمرة التانية ياعدل أقولهالك ؛ مش كل من مسك طبلة بقى طبال ، ومش كل من عنده مدونة بقى مدون
سلاحف بقى
شديييييييييييييييييد شديييييييييييييد
أوعى تفتكر إني بتكلم عن البوست
أنا بتكلم عن رد علام
ههههههههههههههههههههههههههههههههههههه
ايه هتزعل ولا ايه ؟؟
خلاص يا دوله ميرضينيش زعلك
صراحه إنت كنت قاسي قوي مع الخفاش وبجد بجد أوضتك دي لازم تشوف لها حل
السنه اللي فاتت فيران والسنه دي خفافيش
ربنا يستر من الصراصير والبرايص والعرس وماشابه
سلاحف بقه ههههههههههه
شق القمر تاني...عقبال يارب القمر يكمل ويتنصف امييين..بدل مهو ماشي بنص واحد بس...وبعدين اه دي صوره حقيقيه من جاردن ستي قبل متتصرف فيه وتبيعه...وبعدين الجاردن فيه نخل وطارح بلح...يعني يتعمل منه مقشه بلح...
نورتي ياشق القمر تاني وتالت وعاشر
هي وصلت للخفافيش
ربنا يستر علينا هي في بلدكوا انتوا بس ولا غزت المعموره كلها
بس الواحد كان متخيل ان الدم هيكون مالي الدنيا
خلاص بقي هخلي عندنا مقشه بلح عندنا في البيت
علي فكره بمناسبه البلح الاحمر مبروك للاهلي علي الدوري وعقبال كاس افريقيا
ملحوظه اخيره بقي بطلوا خنق في بعض جبتولي
dyspnea grade 4
بس كدا سلام
مبروك على افتتاح المدونه
جميله
بالنسبه للموضوع ف سورى ايه ده قاعد فين عشان يدخل خفاش الاوضه؟
داحنا مش بنشوفه الا فى التليفزيون وتقتله وتنزل الصور
صدق اللى قال انتو شباب صحيح
مبروك افتتاح المدونه يا محمود
الموضوع ككلام كويس بس كفعل مش كويس خالص حسبى الله ونعم الوكيل
الحمد لله انا كنت من المعاصرين للحادث الاليم وفى كل مره بيكون فى فيران برده باكون موجوده الحمد لله برده على كل حال مش عارفه دا قدر والا عملى الاسود فى الدنيا بقى
بسRBGايه اللى انت بتقول عليه ما كل مره بتقتل بالمقشه مش جديده عليك يعنى
بس على فكره يظهر كده والله اعلم انك انت اللى فيك حاجه غلط بتشد الكائنات دى ليك فحاول تشوفها بسرعه قبل ما تعمل حديقه حيوانات فى الاوضه
ابقى اقفل البلكونه كويس ولو دخل عندك اى حاجه تانى مش هاعرفك بعد كده اوك؟يكون الموضوع دا معدى والا حاجه
كفايه عليك كده ومش هارغى كتير
وطبعا مش هاقول اسمى انت عارف مين
اهو جه يا ولاد اهو جه يا ولاد
دا انا مش الخفاش ههههههههه انا مريت بنفس الموقف تقريبا مع عدة من الخفافيش والفئران
عارف الحل الامثل ايه تقعد في مكانك وتبقي بجح وغلس الخفاش اكيد هيزهق منك ويسيبك زي الانفلونزا بالضبط ولا تعبر الفيروس سيبه ياخد فترته واكيد هييجي اليوم اللي هيزهق فيه
انما انا كائن رقيق مينفعش امسك ار بي جي وبعدين بليز وات از المقشه البلح ؟
وبعدين تقلي واكل فسيخ وعلام اللذيذ يقلك كوارع انتوا هتبصولنا في اللقمه كمان دا انا حتي مش عارف اليومين دول حاسس اني وشي مخطوف كده ومصفر
ههههههههههه طيب مانت كمان بتخنق يا عم كل شويه نوت اي ماي ديسك بي رايت جاي ههههههههههه طيب فاتح الميل ليه علي كده
عالعموم بدايه تحسد عليها يا دوله ها الناس مستنيينك تحت ايه جاي ههههههه
بيبي ييس ماي بيبي جووووو اون
الف الف مبروك د طه ود العدل ..منورين المدونات ..والله انا مت على نفسى من الضحك على الخفاش ..مدونة جميلة ومرحة تجديد بدل المدونات بتاعتناوان شاء الله تمتعونا انا شفتها بالصدفة عند فلافيو وشدنى اسمها ..ههههههه ..بالتوفيق
الله يرحم الخفاش اللي وقع تحت ايد اللي مبيرحمش ابدا
مكنش يقصد والله ومكنش يعرف اني لما يجي يطل عليك ويدخل يسلم عليك هتكون نهايته كده
هو كان بيرزورك زياره عباره
يلله بقى الله يرحمه ويحسن اليه
كان خفاش طيب والله
مدونه شديده
وهتكون اقوى مدونه باذن الله
سلام
white heart
الي علام:
خنقتنا بمرورك ومتجيش تاني
ياريت توضحلنا كل الاخطاء الفظيعه الليفي الموضوع عشان نستفيد من خبراتك العاليه في التدوين ونمشي علي دربك
يعني سكه اللي يروح ميرجعش
نورت بخنقتك المعتاده
غير معرف 1:
الموضوع تحت السيطره والامن مستتب وفي كماين علي حدود البلد لمنع انتشارها للدول المتقدمه...
مبروك للاهلي...والاهلي فوق الجميع
نورتينا كالعاده
غير معرف 2:
ميرسي علي مرورك الجميل والله يبارك فيكي
بالنسبه للخفافيش اكيد في باريس مش بتشوفها غير في التلفزيون...انما في دولنا النايمه بتبان صوت وصوره وفيديو واوديو وطبيعي عني كله...
نورتينا
السلام عليكم ورحمة الله وبركاته
بداية موفقه
ربنا يديم علي مدونتكم الضحك
بس خد بالك الضحك عملية صعبة اوقات كتير بيقلب بهزار والموضوع يتقلب بجد تبقي هأهأهأهأهأه
والجيران تتلم وتبقي مشكله
تحياتي
الي اللقاء
us4her.blogspot.com
مودي مودك...حودي حودك..فؤشي فؤشك...يعني صاحب الذ مدونه في تايخ مصر...يعني تخيل الحوارت يعني عايز يتكجول ويعمل نيو لوك..يعي ابن البلد الاصيل والصاحب الجميل..صاحب الدماغ اللي زي الحجر والقلب الطيب
المقشه البلح يامودي بقي...عباره عن مقشه وفي اخرها كام بلحه كده...سهله هبقي اوريهالك لما تيجي عندنا
منور حوبيكا كالعاده المعتاده...ها هتنزل ولاايه..÷هههههههههه
نورت ياكبيرنا
فلافيو بقي...يعني محمود فرج..يعني القصايد المتبعتره...يعني شاعرنا الكبير اوي ..الديك الفصيح بتاع اللغه العربيه المتصفحه
بس بأخذ عليك كلمه بقي
هل جمع برص....يكون برايص يااخا العرب...تمهل قليلا ولتستدعي لنا ابا الحكم حتي يبت في هذه المسأله
نورتينا ياابو خفاش الحمداني
حبيبي يافلافيو ياسمر ياجميل
دكتور ليتيل انجيل بقي
بجد بجد بجد نورتينا والله,,,ويارب مش تكون اخر مره..,يارب تكون مدونتنا عجبتك
نورتينا خالص جدا
الوايت هارت..يعني القلب الابيض اوي
خلصت فيك كل الكلام
نورتينا بجد
دكتور كيميت...
عليكم السلام ورحمه الله وبركاته
نورتنا او نورتينا ...لاني معرفش معني كيميت الصراحه
والجيران اتلمت واللي كان كان بقي
ميرسي خالص جدا لمرورك
غير معرف 3:
سايبك للاخر طبعا عشان اخنق عليكي
نبدا من اول السلمه...وناخد بالنا من السلمه المكسوره
اولا الله يبارك فيكي...وفخر لنا انها عجبتك
ثانيا طبعا انت من المعاصرين لكل الاحداث الجاريه والواقفهاللي بتحصل..اكيد حاجه تشرفك ...لانك بتكوني جو قلب الحدث في الحته اليمين طبعا
ياريت كل الكائنات تتجمع...عشان تبقي الاوضه مزار سياحي ..طبعا انتي هتكوني اول من يزور
اخر حاجه بقي
البلكونه هتتفضل مفتوحه علي البحري بقي...وهفتح فتحه في السقف كمان...ووريني كده مش هتعرفيني تاني ازاي(متقدريش اصلا)
نورتينا بقي ...وكفايه عليكي كده الشحن هيخلص
اولا الف مبروك على المدونة الجامدة دى يا حودة وطة باشا حبيب قلبى ثانيا الف شكر على مغامراتك مع الحيوانات مرة فار ومرة خفاش شوية وهيدخلك اسد من الشباك مش عارف الشباك بتاعك دة مفتح على اية بالظبط عموما استغطى يابنى وانت نايم وهتصحى هتلاقى نفسك زى الفل (ابوس ايدك الحقنى وتعالى موت الفراشة الى فى الاوضة معايا لحسن انا مش بنموت اقل من اسد)
وعد العيون(عمرو مصطفي) ميدو عاطف سابقا...الله يبارك فيك ياكبيرنا منور بطلتك البهيه دي...بس عيب علي جسمك ياجدع لما تخاف من فراشه...امال من المحله ازاي...اقلك اقتلها بقنبله مسيله للدموع اللي انت سرقتها من الواد بتاع الامن ده رعبتونا ياجدع حسستونا ان تنظيم القاعده اتنقل للمحله
منور ياميدو
رسالة تحذير
*************
من جميع مراكز وقوي الخفافيش في مصر والعالم الي المدعو d&t.......not dvt
اتفرجنا كلنا علي صور الفقيد اللي منزلها بلا رحمه علي البوست بتاعك واتعرفنا عليه وعرفنا انه
خفوش مخفش المخفشاني وده خفاش من اهم الخفافيش اللي عندنا وفقدنا وتحريتنا دورت ولفت عليه ولاقيناه عندك
وده من اهم الخفافيش اللي عندنا وكان طالع في مهمه استخباريه ولذلك قرننا
انك تحذر وتخلي بالك من الهجوم الشرس اللي هتتعرض له حجرتك في الفتره الجايه
ويا حظك
الخفاش ده اهله صعايده ومش هيسيبوا تارهم
وانا لله وانا اليه راجعون
رئيس اركان حرب خفافيش مصر
انتهي البيان
بس بجد بقي البوست حلو جداا
تحياتي
هههههههههه...فنانتا المفروسه..يعني الفنون الحلوه..الحادقه لاء
مش غريب عليكي خفه دمك...كنت بتابع ردودك من مدونه مودي مودك
بس رساله من رئيس اركان اغتيال الخفافيش بقي
مبنتهددش...ومش كل خفاش اتخلق يعمل قلق..واي عميل من استخبارتكو هيفكر يجي ...هيواجهه نفس المصير
خلص الكلام...وكبر الغرام
نورتينا بجد وياريت مش تكون اخر مره
إرسال تعليق