بسم الله الرحمن الرحيم
استني ..قبل متمد شوكتك البريئه وطبقك الجرئ للتورته .....اقري التعليمات والشروط اللي تحت...عشان مش تغرمنا علي الفاضي:
انهارده اكيد مش يوم عادي....ليه مش عادي؟....سؤال برئ وجرئ ورقيق
انهارده كل واحد يجيب مقصه عشان هنفتتح المدونه الثنائيه الكبري...مع بدايه الصيف وعروضه
طيب هتسألنا....لو مش معايا مقص؟اعمل ايه؟
اكيد هنجاوبك ...موراناش غيرك انت بقي..بص ياعم الامور
هقولك اتصرف...طلع مطوه من جيبك...او موس من بؤك...المهم انك تشارك معانا في الافتتاح الهائل ده....
هترجع تسالنا تاني...طيب المدونه دي انتوا هتعملو فيها ايه؟دنتو مش ليكو في حاجه اساسا!!!!!!!
علي فكره اسئلتك كترت وكل دقيقه بتعدي فيها خطر علي حياتك...ياعم هنكتب فيها اي حاجه ....مواقف ..سواء ميكروباصات ماشي بيجوهات ماشي تكا تك ميضرش..اي حاجه تيجي علي بالنا,,,,, الاهم مش هنضايقك...
يعني هنكتب فيها اي حاجه جوانا..واي حاجه تدور في خلجات مشاعرنا...ومين عارف ..يمكن نتشهر ولاحاجه وساعتها مش هننساك...
الاهم هنزرع فيك بسمه وقت ضيقك...اونحاول نضلمها عليك وقت فرحك... بس الاهم يكون عندك التربه الخصبه ونفسيتك الهاديه وعقليتك الرزينه عشان تتقبل كلامنا...
لو موافق علي الشروط هات طبقك وتعالي ولو مش موافق..!!! تعالي بردو يمكن نكسب فيك ثواب...الاهم تقص معانا الشريط...يعني مطوتك في جيبك موسك في بؤك مقصك في مطبخك...واحنا نفضل الاختيار الرابع
بس خلاص...شكرا لسعه صدرك وحسن استماعك
with our best wishes
D&T.............NOT DVT
هناك 13 تعليقًا:
طيب انا معايا سنجه تنفع ههههههه
وايه خلجاتك دي وكمان بتتكلم لغات بسم الله ما شاء الله
دوله وطه وربنا يستر
بعد البقين دول عاوز احليه بقي ميرسي ممكن بيبسي لو سمحت علشان ابلع
منتظرين جديدكم
يامساء الخنقة المركبة المزدوجة زي هارودي وهاردي .. وريا وسكينة .. وتامر وشوقية (بس مين تامر ومين شوقية؟؟) كر كر كر
إخنق ياعم الأمور منك له ، ماهي أهاليكم تعبوا على ما جابوكوا وربوكوا علشان تخنقوا على أهلنا إحنا بقى
عامة نستنى ونشوف بس تذكر منك له إن مش كل من مسك طبلة بقى طبال ، ولا كل من عنده مدونة بقى مدون
يلا سلام يا إكسلانس
مش معقول تاخيرى ده
كنت اتمنى اكون اول اللى ياكلوا
اقصد اللى يهنوا :))
بجد انا سعيدة ان اعز اخواتى هنا وثنائى
فعلا خنقة مزدوجة
والاسلوب الاولى ده بتاع طه اكيييييد
لكن الاغنية تبع العدل .. مش كده؟؟
بداية جامدة
اغانى وفوتوشوب وتورتات
التورته هنا اهى يا علام
بجد انا سعيدة جداااااااا بتنفسذكم للتدوينة
بس رجاءا مش تسيبوها مهجورة
سلاااااااااام
نسيت اقولكم ان فى مدونة اسمها اتنين من الناس برده ... بس سياسية جدااا
وامن دولة وهيصة
يلا مرة يغلطوا فى اصحابها وتبقى زغاريد بجد
ههههههههه
وبعدين بلاش الحروف اللى بعد كل كومينت دى
اولا الف مبروك عليكوا وعلينا المدونه
ويا رب ان شاء الله يكتبلها النجاح
وبدايه لزيزه والله
بس سبحان الله كل اللي دخل هموا علي بطنه
محدش سمعنا زغروته ليه يا شباب
اسمعكوا انا
لولولولوليييييييييييي
ربنا يكرمكو ويوفقكوا يا رب
مودي مودك....عاشق فؤش يعني القلب الطيب القلب الحنين...ياعم هات سنجه هات اي حاجه..المهم نورتنا ياحووووووووود
ودياما سباق ياكبير..تسلم
ولا كل من حزمت وسطها بقت رقاصه...ولاكل من مسك صاجات بيبيع عرفسوس...نقلبها كباريه وخلاص
عموما مبروك منك زي العسل ياعلام ياكبير المدونين
خنقتنا بمرورك وتجيش تاني
شق القمر..وشق الليل..وكل حاجه ممكن تتشق
نورتي يارنا المدونه والله..ومتقليش مش هنهجرها مش ناقصه يسكنها فيران زهقت منها خلاص
ومش كل اتنين من الناس ليهم في السياسه..مفيش وجه ولاوش ولاودن حتي للمقارنه
نورتينا ياشق القمر
عم الغير معرف بقي....بس عل مين عرفتك وخلاص اتكشفت
عموما نورت المدونه...واضفيت عليها جو من النسيم في عز الصيف
نورتنا تاني,,,وميرسي لمرورك..وعلي الزغروطه الحلوه دي
طب ممكن أفتحها ببيتين شعر؟؟
بس أنا زعلان يا دوله ويا طه إني أعرف من مدونة مودي ومكونش أول واحد يعرف الخبر التحفه ده
وبص يا عم الأمور منك له
أنا مش هتخنق من البوست وأتخنق كمان وأنا بعلق عليه
شيل ياد منك له الوورد فيريفيكاشن أحسن لكم
بدل ما أبعت لكم أصغر عيل من المحله يقفل لكم المدونه دي
بس بجد فرحت لك وبالذات لدوله
أصلك يا دوله كلك مشاعر بس مش لاقيه اللي يخرجها للنور
نورنا يا عم بس خف النور العالي ... عينينا وجعتنا
مبرووووووووووووووك يا شباب
اشطات يافلافيو..ولاتقلق هنقلبلك نور عشان منزغللش عونيك..بس لو سمحت الزم اليمين لان الشمال بتاع السريع يعني بتاعنا..وشهادتك ان دوله عنده مشاعر مش لاقيه اللي يخرجها..فعلا انا معاك في دي لان مشاعره اصعب من اكتشاف بير بترول في العن السخنه...ووسام هيتحط علي راسه من فوق...بجد بجد نورت يابو الفلافل يااصيل يابو قصايد متبعتره باحلي نظام ورونق وابداع...
تسلم ياكبير
بجد مش عارفه اقول ايه ...بضحك خلاص
شكلها هتبقى مدونه محصلتش
مبروك ليكم واحنا موافقين على كل الشروط....وهنشوف مين هيطفش مين ولا مين هيتخنق من مين
فى انتظار كل جديد منكم هنا ...وبالتوفيق ان شاء الله
لاء يادكتور كوايت....بي كوايت كده..,براحه علينا احنا لسه كي جي ون تدوين..وبعدين ليه بس نطفش بعضنا..ادينا بنخنق علي بعض ومزبطين نفسنا
نورتينا بمرورك دكتور حنان
إرسال تعليق